கடக ராசி - தமிழ் புத்தாண்டு பராபவ வருட ராசிபலன்

கண்ணீர்க் கதைகள் முடிந்து, கரன்சி எண்ணும் வசந்த காலம்!

ஜென்ம குருவும், பாக்கிய சனியும் இணைக்கும் பிரம்மாண்ட ராஜயோகம்!

"பொறுத்தார் பூமி ஆள்வார்" என்பதற்கு இலக்கணமாகக் கடந்த சில வருடங்களாகவே எத்தனையோ அவமானங்கள், பொருளாதாரச் சரிவுகள், மன உளைச்சல்களைச் சந்தித்து அமைதியாக இருந்தவர்கள் கடக ராசிக்காரர்களான நீங்கள்தான். அஷ்டம சனி முடிந்து திருக்கணிதப்படி பாக்கிய சனி (9-ம் இடம்) வந்து ஒரு வருஷம் ஆச்சு, ஆனாலும் பெருசா ஒன்னும் நடக்கலையே!" என்று நீங்கள் சலித்துக் கொள்வது புரிகிறது. கவலை வேண்டாம்! உங்களை அரியணையில் ஏற்றுவதற்கான வேலைகளைத்தான் அந்தச் சனி பகவான் இவ்வளவு நாளாகச் சத்தமில்லாமல் செய்து கொண்டிருந்தார். அதற்கான 'மாஸ்டர் ஸ்விட்சை' (Master Switch) ஆன் செய்யப் போகும் காலகட்டம்தான் இந்த பராபவ வருடம்!

இந்த வருடம் உங்கள் வாழ்க்கையில் நடக்கப் போகும் அந்த ஜோதிட 'மேஜிக்' என்னவென்று விரிவாகப் பார்ப்போம்!

வைகாசி 18: தலையெழுத்தை மாற்றும் திருநாள்!

இந்த பராபவ வருடத்தில் கடக ராசிக்காரர்கள் காலண்டரில் பூப்போட்டு குறித்து வைத்துக்கொள்ள வேண்டிய தேதி "வைகாசி 18". ஏனென்றால், அன்றைய தினம்தான் குரு பகவான் மிதுனத்திலிருந்து உங்கள் சொந்த ராசியான கடக ராசிக்கு (ஜென்ம குருவாக) அடியெடுத்து வைக்கிறார்.

யூடியூபில் பாதி ஜோதிடம் தெரிந்தவர்கள், "ஜென்ம குரு வனவாசம்! கடக ராசிக்குக் கஷ்டம் ஆரம்பம்" என்று பயமுறுத்துவார்கள். அதைக் கேட்டுச் சிரித்துவிட்டு நகர்ந்துவிடுங்கள். ஏனென்றால், அவர்களுக்கு உங்கள் ஜாதகத்தில் ஒளிந்திருக்கும் அந்த மாபெரும் 'சூட்சுமம்' தெரியாது! அந்தச் சூட்சுமம் என்ன தெரியுமா?

குருவின் பார்வையும், சனியின் விஸ்வரூபமும்! (The Grand Magic):

கடக ராசியில் அமரும் குரு பகவான், தனது பொன்னான ஒன்பதாம் பார்வையால் (9th Aspect), மீன ராசியில் அமர்ந்திருக்கும் சனி பகவானைப் பார்க்கப் போகிறார். ஜோதிடத்தில் இதைவிட ஒரு அதிர்ஷ்டமான அமைப்பு இருக்க முடியாது! மீனராசி என்பது உங்களுக்கு 9-ம் இடம் (பாக்கிய ஸ்தானம் - அதிர்ஷ்டம், தந்தை, பூர்வீகம்). அங்கு ஓராண்டாக அமர்ந்து சற்று மந்தமாகச் செயல்பட்டுக் கொண்டிருந்த சனி பகவானின் மீது, முழு சுபக் கிரகமான குருவின் பார்வை விழுந்தவுடன், சனி பகவான் விஸ்வரூபம் எடுப்பார்!

பலன்: "குரு பார்க்கக் கோடி நன்மை" என்பார்கள். அதுவும் பாக்கிய ஸ்தானத்தில் இருக்கும் சனியை குரு பார்ப்பதால், கடந்த ஒரு வருடமாக இழுத்தடித்த விஷயங்கள் அத்தனையும் ஜெட் வேகத்தில் நடக்கும். தடையில் இருந்த பூர்வீகச் சொத்துகள் உங்கள் கைக்கு வரும். எதிர்பாராத பதவி உயர்வு, அரசியல் அல்லது சமுதாயத்தில் மிகப்பெரிய கௌரவம் கிடைக்கும்.பல வருடங்களாக வாடகை வீட்டில் இருப்பவர்கள், சொந்த வீடு கட்டுவதற்கான வங்கியின் கடன் (Bank Loan) தடையில்லாமல் கிடைக்கும்.வெளிநாடு செல்லக் காத்திருப்பவர்களுக்கு விசா கிடைக்கும். உங்களின் நீண்ட காலக் கனவுகள் அத்தனையும் நிஜமாகும் பொற்காலம் இது!

ராகு-கேது சஞ்சாரம் (உஷார் பகுதிகள்):

இந்த பராபவ வருடத்தில் ராகுவும் கேதுவும் உங்களுக்கு சில பாடங்களைக் கற்றுக் கொடுக்கப் போகிறார்கள்.

உங்கள் ராசியிலேயே கேதுவும், குருவும் இணைந்திருக்கிறார்கள். இதனால் உங்களுக்கு எதிலும் ஒரு ஆன்மீகத் தேடல் இருக்கும். உள்ளுணர்வு (Intuition) மிகத் துல்லியமாக வேலை செய்யும். உங்களை யார் ஏமாற்ற வருகிறார்கள் என்பதை முன்கூட்டியே கண்டுபிடித்து விடுவீர்கள். 7-ம் இடத்தில் ராகு: ஏழாம் இடம் என்பது கணவன்/மனைவி மற்றும் தொழில் கூட்டாளிகளைக் குறிக்கும். அங்கே ராகு இருப்பதால், கணவன்-மனைவிக்குள் ஈகோ (Ego) பார்க்க வேண்டாம். "நீங்க சொல்றதுதான் கரெக்ட்" என்று துணைவரிடம் விட்டுக் கொடுத்துப் போனால், உங்கள் குடும்பத்தில் எப்போதும் வசந்தம் வீசும். கூட்டுத் தொழிலில் கணக்கு வழக்குகளைத் தெளிவாக வைத்துக் கொள்ளுங்கள்.

 ஏன் தனிப்பட்ட ஜாதகம் முக்கியம் 

"வானத்தில் நல்ல மழை பெய்யும்போது, கையில் பெரிய பாத்திரம் வைத்திருப்பவர் அதிக நீரைச் சேமிப்பார்; சிறிய குவளை வைத்திருப்பவர் கொஞ்சமாகச் சேமிப்பார்." ஜோதிடம் என்பதும் அதுதான்.பொதுவான ராசிபலன்கள் என்பது வானிலை அறிக்கை (Weather Report) போன்றது. "வைகாசிக்குப் பிறகு குருவின் பார்வையால் பாக்கிய சனி மாபெரும் யோகம் தருவார்" என்பது உறுதி! ஆனால் உங்கள் தனிப்பட்ட ஜாதகம் (Individual Horoscope) என்பது உங்கள் கையில் இருக்கும் பாத்திரம்!

உங்களுக்கு நடக்கும் தசா-புத்தி (Dasa-Bhukti) வலிமையாக இருந்தால் (உதாரணமாக உங்கள் ராசிக்கு யோக காரகனான செவ்வாய், சந்திரன் அல்லது குருவின் தசை நடந்து அவைகள் உங்கள் ஜாதகத்தில் நல்ல நிலையில் இருந்தால்), இந்த வருடத்தின் அத்தனை அதிர்ஷ்டங்களையும் நீங்களே மொத்தமாக வாரிச் சுருட்டுவீர்கள்!

வெற்றியைத் தக்கவைக்கும் தெய்வீகப் பயணம்

கிரகங்களின் ஆசீர்வாதத்தை முழுமையாகப் பெற நீங்கள் செல்ல வேண்டிய ஆலயங்கள்:

பாக்கிய சனியை குரு பார்க்கும் சிறப்பிற்கு: 9-ம் இடம் பித்ரு ஸ்தானம் என்பதால், ஒருமுறை ராமேஸ்வரம் ராமநாதசுவாமி கோயிலுக்குச் சென்று கடலில் நீராடி, முன்னோர்களை நினைத்து வழிபடுங்கள். உங்கள் வம்சத்தின் சாபங்கள் தீர்ந்து யோகம் பிறக்கும்.

ஜென்ம குருவின் அருள் பெற: குரு உங்கள் ராசியில் அமர்வதால் வரும் சிறுசிறு உடல் உபாதைகளைத் தவிர்க்க, வியாழக்கிழமைகளில் தட்சிணாமூர்த்திக்குக் கொண்டைக்கடலை மாலை சாற்றி வழிபடுங்கள்.

கேது மற்றும் ராகு தோஷம் விலக: குடும்பத்தில் நிம்மதி நிலவ, காளஹஸ்தி அல்லது திருநாகேஸ்வரம் சென்று ஒருமுறை தரிசனம் செய்து வாருங்கள்.

தினசரி ஸ்மார்ட் பரிகாரம்: தினமும் காலையில் "அபிராமி அந்தாதி" கேட்பதும், உங்களால் முடிந்தபோது ஏழைகளுக்கு அன்னதானம் செய்வதும் உங்களுக்கு மாபெரும் கவசமாக இருந்து பாதுகாக்கும்

பராபவ வருடம் என்பது உங்கள் வாழ்வில் "இருள் விலகி, ஒளி பிறக்கும் பிரம்மாண்டமான திருவிழா!" வைகாசி 18-க்கு முன் நடக்கும் சவால்களைப் பொறுமையோடு கையாளுங்கள். வைகாசிக்குப் பிறகு, குருவின் பார்வை பாக்கிய சனியின் மீது விழும்போது, உங்கள் வாழ்க்கை வேறொரு பரிமாணத்திற்கு (Next Level) செல்லப் போகிறது. துன்பங்கள் பனித்துளியாய் விலகி, வெற்றிகள் சூரியனாய் உதிக்கும் இந்தப் பராபவ வருடம், உங்களுக்கு ஒரு பொற்காலமாக அமைய இனிய புத்தாண்டு நல்வாழ்த்துக்கள்!

(தனிப்பட்ட ஜோதிட ஆலோசனைகளுக்கு, உங்கள் சுய ஜாதகத்தோடு எங்களை அணுகலாம். உங்களின் தற்போதைய தசா-புத்திகளுக்கு ஏற்பத் துல்லியமான பலன்களும் வழிகாட்டுதலும் வழங்கப்படும்.)